फोकस नेपाल ,फागुन १७ गते । इलाम कारागारभित्र मदिरा सेवनसहित जुवातास खेलेको भिडियो सार्वजनिक भएपछि जिल्ला प्रशासन कार्यालय इलामले छानबिन शुरू गरेको छ ।
समिति नै गठन गरेर छानबिन शुरू गरिएको हो ।सञ्चारमाध्यममा कैदीहरूले कारागारभित्र नै मदिरा सेवन गर्दै गरेको भिडियो सार्वजनिक भएपछि तीन सदस्यीय समिति गठन गरिएको प्रमुख जिल्ला अधिकारी श्रवणकुमार पोख्रेलले जानकारी दिए।
शुभकामना
HATIDHA COTTAGE & RESORT LAHAN-15,HATIDHA SIRAHA
जिल्ला प्रशासन कार्यालयका अधिकृत हरिकुमार थापाको संयोजकत्वमा समिति गठन भएको हो ।सो समितिले काम थालिसकेको संयोजक थापाले बताए।
भिडियो कहिलेको हो र को–को व्यक्ति यसमा संलग्न थिए भन्ने विषयमा छानबिन हुने साथै आवश्यक कारबाही बढाइने बताइएको छ ।
कानुनले वर्जित गरेका कुनै पनि गतिविधि, मदिरा सेवन, जुवातास तथा मोबाइल फोनसमेत प्रयोग गर्न नपाइने भए पनि कारागारभित्र खुलेआम सो कार्य भइरहेको भिडियो बाहिरिएको हो ।
इलाम कारागारमा भने कानुनले वर्जित गरेका मदिरा सेवन, जुवातास तथा मोबाइल फोन समेतको प्रयोग हुने गरेको र यसमा कर्मचारीको समेत संलग्नता रहेको शंका गरिएको छ ।
जेलर सुमित मगरले उक्त भिडियो कारागारभित्रकै रहेको स्वीकार गरे।
उनले यो दृश्य इलाम कारागारकै रहेको र त्यहाँ देखिएका केही कैदीबन्दी अहिले पनि यही रहेको तथा केही छुटेका र सरुवा भएर गइसकेका बताए।
कारागारको क्षमता एक सय २५ जना क्षमताको भए पनि हाल यहाँ दुई सय ८० छन् ।
२०७९ फाल्गुन १७, बुधबार ०९:१२
ताजा समाचार
- १७ वर्षको राजनीतिक यात्रा छाड्दै जय नेपाल पार्टीमा जलेश्वर सर्राफ, संगठन निर्माणको जिम्मेवारी
- शान्ति पुनर्स्थापना गृहको आयोजनामा रसुवा बाढीका मृतकहरूको सम्झनामा कृष्णानगरमा दीप प्रज्वलन तथा श्रद्धाञ्जली सभा
- जनकपुरः तारापट्टिमा भयानक सवारी दुर्घटना, ३ को अवस्था गम्भिर, एक धरान रिफर
- त्रिभुवननगर नाकामा खुलेयाम तस्करी
- यादव सेवा समाज कतारको नयाँ कार्यसमिति चयन, अध्यक्षमा शिवनाथ यादव निर्विरोध
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
प्रतिक्रिया
सम्बन्धित खवर
