फोकस नेपाल ,श्रावण ०८ गते । नागरिक उन्मुक्ति पार्टी (नाउपा) सुदूरपश्चिम सरकारमा सहभागी हुने भएको छ।
यसअघि मन्त्रालय भागबन्डामा चित्त नबुझाएको नागरिक उन्मुक्ति पार्टी एक मन्त्री र राज्यमन्त्रीसहित सरकारमा सहभागी हुन लागेको हो।
शुभकामना
HATIDHA COTTAGE & RESORT LAHAN-15,HATIDHA SIRAHA
‘भूमिव्यवस्था कृषि तथा सहकारी मन्त्रालयको टुंगो लागेको छ। त्यस्तै एउटा राज्यमन्त्री दिने सहमति भएको छ,’ पार्टी प्रदेश संसदीय दलका नेता घनश्याम चौधरीले सेतोपाटीसँग भने, ‘राज्यमन्त्रीको टुंगो पनि आजै लाग्ला।’
नाउपाका नेताहरूले जानकारी दिएअनुसार रामेश्वर चौधरीलाई कृषि तथा सहकारी मन्त्री र सचेतक कैलाश चौधरीलाई राज्यमन्त्री प्रस्ताव गरिएको छ।
यद्यपि यसमा हेरफेरको सम्भावना रहेको पनि ती नेताले जानकारी दिए।
मुख्यमन्त्री स्रोतले जानकारी दिएअनुसार भोलिमात्रै शपथको सम्भावना छ।
‘मुख्यमन्त्री आज काठमाडौंबाट फर्कंदै हुनुहुन्छ। १२ बजेको फ्लाइट छ। भोलि मात्रै शपथको सम्भावना छ। राज्यमन्त्रीमा कुरा टुंगिइसकेको छैन,’ स्रोतले भन्यो।
पृथ्वीबहादुर सिंहको सवारी दुर्घटनामा परेर ज्यान गएपछि आन्तरिक मामिला तथा कानून मन्त्रालय खाली रहेको छ।
कांग्रेस मन्त्रालय आफूसँगै राख्ने बताएको छ। यद्यपि उसले मन्त्री सिफारिस गरेको छैन।
आन्तरिक मामिला तथा कानून मन्त्रालयमा पनि छिट्टै मन्त्री सिफारिस गरिने मुख्यमन्त्री स्रोतले जानकारी दियो।
२०८० श्रावण ८, सोमबार ०५:४५
ताजा समाचार
- १७ वर्षको राजनीतिक यात्रा छाड्दै जय नेपाल पार्टीमा जलेश्वर सर्राफ, संगठन निर्माणको जिम्मेवारी
- शान्ति पुनर्स्थापना गृहको आयोजनामा रसुवा बाढीका मृतकहरूको सम्झनामा कृष्णानगरमा दीप प्रज्वलन तथा श्रद्धाञ्जली सभा
- जनकपुरः तारापट्टिमा भयानक सवारी दुर्घटना, ३ को अवस्था गम्भिर, एक धरान रिफर
- त्रिभुवननगर नाकामा खुलेयाम तस्करी
- यादव सेवा समाज कतारको नयाँ कार्यसमिति चयन, अध्यक्षमा शिवनाथ यादव निर्विरोध
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
प्रतिक्रिया
सम्बन्धित खवर
