जलेश्वर, महोत्तरी । मधेश प्रदेश सरकार अन्तर्गत वन तथा वातावरण मन्त्रालयको प्रदेश वन निर्देशनालय, डिभिजन वन कार्यालय महोत्तरीद्वारा वन संरक्षणसम्बन्धी पत्रकार, नागरिक समाज र मिडियाकर्मीहरूसँग अन्तरक्रिया कार्यक्रम सम्पन्न गरिएको छ।
कार्यक्रम २०८२ असार १८ गते, जलेश्वरस्थित ममाज होटलमा बिहान ८ बजे सम्पन्न भएको थियो। कार्यक्रममा वन संरक्षणका विभिन्न पक्षहरूबारे जानकारी दिइएको थियो।
शुभकामना
डिभिजन वन कार्यालय महोत्तरीका अनुसार पछिल्लो समय वन अपराध नियन्त्रण, गाजा खेती नष्ट गर्ने, साझेदारी तथा सामुदायिक वनको व्यवस्थापन, काठ दाउरा वितरण तथा पुराना काठहरूको व्यवस्थापन, र वन मुद्दा दायर गर्ने कार्यहरू प्रभावकारी रूपमा अगाडि बढाइएका छन्।
कार्यक्रममा सामुदायिक सहभागिता, पारदर्शिता र स्थानीय सरोकारवालासँग समन्वय गर्दै वनको दीगो संरक्षणमा जोड दिइएको थियो।
वन कार्यालयका अनुसार चालु आर्थिक वर्षमा ८ वटा वन मुद्दा दायर गरिएका छन् भने काठ ४७८.०६ घनफुट, ट्रयाक्टर, मोटरसाइकल, गोरु, वन्चरोलगायत सामग्री वरामद गरिएको छ।
बेरुजु तथा फछ्र्यौट विवरणमा अघिल्ला वर्षहरूमा करिब ५ करोड ४३ लाख रुपैयाँ बराबरको रकममा अनियमितता देखिएको पनि जानकारी गराइएको छ।
डिभिजन वन कार्यालय महोत्तरीका अधिकारीहरू, पत्रकार, मिडियाकर्मी, नागरिक समाजका प्रतिनिधिहरूको उपस्थिति रहेको कार्यक्रममा वन संरक्षणमा साझा जिम्मेवारी र भूमिकाबारे गहन छलफल गरिएको थियो।
२०८२ असार १८, बुधबार १४:२७
ताजा समाचार
- लहान–१८ भदैयामा दूध संकलन केन्द्र उद्घाटन र हस्तान्तरण, २० कृषकलाई दूध क्यान वितरण
- विरगन्जका मेयर सिंह पक्राउ
- महोत्तरीमा बलात्कार घटनामा १० वर्षीय बालक दोषी ठहर, अदालतले सुनायो यस्तो सजाय
- ओलीलाई सुब्बाले भने- ‘एमाले कसैको प्राली होइन’
- मापदण्डको धज्जी उडाउँदै ३३ करोडभन्दा बढी रकम मन्दिर, मस्जिदमा खर्चियो
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
