राम बाबु यादव ,धनुषाधाम, असार २३ गते । धनुषाधाम नगरपालिका वडा नम्बर ६, हरिपुरस्थित श्री माध्यमिक विद्यालय हरिपुर नजिकको मुख्य सडकमा रहेको एउलो ठूलो खाल्डोले गर्दा दैनिकजसो दुर्घटना भइरहेका छन्। यो खाल्डो सडकको ठिक बीचमा भएकाले सवारी चालकहरूलाई निकै कठिनाई भइरहेको छ, जसका कारण स्थानीय बासिन्दाहरू त्रसित छन्।
विशेषगरी राति र खराब मौसममा यो खाल्डो झनै खतरनाक बन्ने गरेको छ। प्रकाशको अभाव र पानी जमेका बेला खाल्डोको गहिराई अनुमान गर्न नसक्दा मोटरसाइकल, साइकल तथा अन्य साना सवारी साधनहरू बारम्बार दुर्घटनामा पर्ने गरेका छन्। स्थानीय प्रत्यक्षदर्शीका अनुसार, दैनिकजसो कम्तीमा एक-दुईवटा सामान्य दुर्घटना हुने गरेको छ भने केही गम्भीर प्रकृतिका घटनाहरूमा पनि मानिसहरू घाइते भएका छन्।
शुभकामना
विद्यालय नजिकै सडकमा यस्तो जोखिमपूर्ण अवस्था हुँदा विद्यार्थीहरूलाई समेत आवतजावतमा समस्या भएको छ। अभिभावकहरू आफ्ना बालबालिकाको सुरक्षालाई लिएर चिन्तित छन्।
स्थानीय बासिन्दाहरूले यस विषयमा पटकपटक सम्बन्धित निकायको ध्यानाकर्षण गराए पनि हालसम्म कुनै सुनुवाइ नभएको गुनासो गरेका छन्। उनीहरूले तत्काल उक्त खाल्डो मर्मत गरी सडक सुरक्षित बनाउन नगरपालिका तथा सडक विभागसँग जोडदार माग गरेका छन्। समयमै यसको समाधान नभए थप ठूला दुर्घटना हुन सक्ने भन्दै स्थानीयले चिन्ता व्यक्त गरेका छन्।
२०८२ असार २३, सोमबार ०६:३७
ताजा समाचार
- लहान–१८ भदैयामा दूध संकलन केन्द्र उद्घाटन र हस्तान्तरण, २० कृषकलाई दूध क्यान वितरण
- विरगन्जका मेयर सिंह पक्राउ
- महोत्तरीमा बलात्कार घटनामा १० वर्षीय बालक दोषी ठहर, अदालतले सुनायो यस्तो सजाय
- ओलीलाई सुब्बाले भने- ‘एमाले कसैको प्राली होइन’
- मापदण्डको धज्जी उडाउँदै ३३ करोडभन्दा बढी रकम मन्दिर, मस्जिदमा खर्चियो
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
