जलेश्वर, वैशाख २५ गते । महोत्तरी जिल्लाको जलेश्वर-जनकपुर सडक खण्डमा शुक्रबार बिहान भएको मोटरसाइकल दुर्घटनामा परी दुई जना घाइते भएका छन् । जलेश्वर नगरपालिका–९ स्थित प्रकौली ब्यारेक अगाडि मोटरसाइकल अनियन्त्रित भई दुर्घटना भएको हो ।
जलेश्वरबाट जनकपुरतर्फ जाँदै गरेको म.प्र. ०२–००८ प ४२३५ नम्बरको एनएस पल्सर मोटरसाइकल बिहान सडकमा आफै अनियन्त्रित भई पल्टिएको छ ।
दुर्घटनामा जलेश्वर नगरपालिका–११ लोचना बस्ने २० वर्षीय चालक मकसुद नदाफ र सोही स्थानका १९ वर्षीय मोफिद रायन घाइते भएका छन् । प्रहरीका अनुसार चालक नदाफको कान, टाउको र शरीरका विभिन्न भागमा चोट लागेको छ र उनको अवस्था मध्यम रहेको छ । मोटरसाइकलको पछाडि सवार रायनको टाउको र शरीरमा गम्भीर चोट लागेको बताइएको छ ।
शुभकामना
घाइतेहरूलाई तत्कालै उद्धार गरी प्रादेशिक अस्पताल जलेश्वर लगिएको थियो । त्यहाँ सामान्य उपचार पश्चात् दुवै जनालाई थप उपचारका लागि जनकपुरस्थित न्युरो अस्पताल पठाइएको छ ।
दुर्घटनामा परेको मोटरसाइकललाई जिल्ला प्रहरी कार्यालय जलेश्वरले नियन्त्रणमा लिएर घटनाबारे थप अनुसन्धान गरिरहेको प्रहरीले जनाएको छ ।
२०८३ बैशाख २५, शुक्रबार ०५:५७
ताजा समाचार
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
प्रतिक्रिया
सम्बन्धित खवर
