विराटनगर / विराटनगरको सीमावर्ती क्षेत्रमा अस्पतालको नाम लेखिएको भ्यान प्रयोग गरी गाँजा ओसारपसार गर्न खोजिएको खुलेको छ । सशस्त्र प्रहरीले विराटनगर महानगरपालिका–१६ दरैयास्थित कोलर चोकबाट ६० किलो गाँजासहित उक्त भ्यान नियन्त्रणमा लिएको हो ।
सशस्त्र प्रहरी बल नेपाल, सीमा सुरक्षा चौकी दरैयाबाट खटिएको टोलीले मंगलबार राति शंकास्पद अवस्थामा रहेको सुजुकी भ्यानलाई रोकेर जाँच गर्न खोजेको थियो । राति करिब ११ बजे ‘दिव्य ज्योती अस्पताल प्रालि’ लेखिएको को १ च ६६२० नम्बरको भ्यानलाई सुरक्षाकर्मीले रोक्न खोजेपछि चालक गाडी छाडेर फरार भएको सशस्त्र प्रहरीले जनाएको छ ।
शुभकामना
HATIDHA COTTAGE & RESORT LAHAN-15,HATIDHA SIRAHA
चालक फरार भएपछि सुरक्षाकर्मीले भ्यानको खानतलासी गरेका थिए । खानतलासीका क्रममा भ्यानभित्र दुईवटा बोरामा प्याक गरेर राखिएको अवस्थामा करिब ६० किलो गाँजा फेला परेको हो ।
अस्पतालको नाम प्रयोग गरिएको सवारीसाधनबाट ठूलो परिमाणमा गाँजा बरामद भएपछि घटनालाई प्रहरीले गम्भीर रूपमा लिएको छ । गाँजा ओसारपसारमा उक्त भ्यान कसरी प्रयोग भयो र यसको संलग्नता कस–कसको छ भन्ने विषयमा थप अनुसन्धान अघि बढाइने प्रहरीले जनाएको छ ।
बरामद गाँजा र भ्यानलाई आवश्यक अनुसन्धान तथा कानुनी कारबाहीका लागि नेपाल प्रहरीलाई बुझाउने प्रक्रिया अघि बढाइएको छ । फरार चालकको पहिचान तथा खोजी भइरहेको सशस्त्र प्रहरीले जनाएको छ ।
२०८३ भाद्र १७, बुधबार ०७:१५
ताजा समाचार
- १७ वर्षको राजनीतिक यात्रा छाड्दै जय नेपाल पार्टीमा जलेश्वर सर्राफ, संगठन निर्माणको जिम्मेवारी
- शान्ति पुनर्स्थापना गृहको आयोजनामा रसुवा बाढीका मृतकहरूको सम्झनामा कृष्णानगरमा दीप प्रज्वलन तथा श्रद्धाञ्जली सभा
- जनकपुरः तारापट्टिमा भयानक सवारी दुर्घटना, ३ को अवस्था गम्भिर, एक धरान रिफर
- त्रिभुवननगर नाकामा खुलेयाम तस्करी
- यादव सेवा समाज कतारको नयाँ कार्यसमिति चयन, अध्यक्षमा शिवनाथ यादव निर्विरोध
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
प्रतिक्रिया
सम्बन्धित खवर
