महोत्तरी, असार २२ गते । महोत्तरी को गौशाला नगरपालिकामा आज अख्तियार दुरुपयोग अनुसन्धान आयोगको टोलीले नगरपालिकाको कागजताहरु नियन्त्रणमा लिएको छ । आयोगको टोली गौशाला पुगेर अनुसनधानका लागि आवश्यक कागजातहरु नियन्त्रणमा लिएको अख्तियार दुरुपयोग अनुसन्धान आयोग बर्दिबास कार्यालयका प्रमुख राम बहादुर कुरुम्वाङले जानकारी दिएको छ ।
आइतबार साँझ आयोगको टोलीले गौशाला नगरपालिका पुगेर चालु आर्थिक वर्षमा सञ्चालन भएका योजनाहरुको सक्कल कागजातहरु नियन्त्रणमा लिएर गएको गौशाला नगरपालिकाका कर्मचारीले बताए । साँझ ५ बाजे कार्यालय पुगेका टोलीले ८ बजेसम्म कर्मचारीहरुसँग सोधखोज गर्दै योजनाका सक्कल कागजात नियन्त्रणमा लिएको हो ।
शुभकामना
गौशाला बहुमुखी क्याम्पसलाई दिएको अनुदान, गौशाला बजार ठेक्का, वडाहरुमा सञ्चालन भएको तालिम, खेलकुद, सडक निर्माण र उपभोक्ता समितिमार्फत भएको निर्माण कार्यको फाइलहरु आयोगको टोलीले लगेको गौशाला नगरपालिकाका कर्मचारीले बताए ।
गौशाला नगरपालिकामा नगर प्रमुख डा.दिपेन्द्र महतो र उपप्रमुख रेणु कुमारी बीचको विवाद छ । उपप्रमुख महतोले यसअघि नगरपालिकाका दर्ता चलानी पुस्तिकामा कोल्म खाली देखिए पछि नियन्त्रणमा लिएर अख्तियारको कार्यालयमा बुझाएका थिए । दर्ता चलानी पुस्तिका नियन्त्रणमा लिएपछि उपप्रमुख महतोको कार्यकक्षमा नगर प्रमुख डा.महतोले ताला लगाइदिएका छन् ।
२०८२ असार २२, आईतवार १६:५५
ताजा समाचार
- लहान–१८ भदैयामा दूध संकलन केन्द्र उद्घाटन र हस्तान्तरण, २० कृषकलाई दूध क्यान वितरण
- विरगन्जका मेयर सिंह पक्राउ
- महोत्तरीमा बलात्कार घटनामा १० वर्षीय बालक दोषी ठहर, अदालतले सुनायो यस्तो सजाय
- ओलीलाई सुब्बाले भने- ‘एमाले कसैको प्राली होइन’
- मापदण्डको धज्जी उडाउँदै ३३ करोडभन्दा बढी रकम मन्दिर, मस्जिदमा खर्चियो
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
