जनकपुरधाम, मधेस प्रदेश । मधेस प्रदेशमा यस वर्ष खडेरीले किसानहरूलाई नराम्ररी सताएको छ। जोत्ने काम सकिएर धानको बीउ तयार भइसक्दा पनि वर्षा नहुँदा किसानहरूले रोपाइँ सुरु गर्न सकेका छैनन्। आकाशतिर हेर्दै पानीको प्रतिक्षामा रहेका किसानहरूको चिन्ता बढ्दै गएको छ।
मधेस प्रदेशमा कुल ४ लाख ५ हजार ४५० हेक्टर (४०५,४५० हे.) जमिन धान रोप्न योग्य मानिन्छ। तर, यस वर्ष वर्षाको कमीका कारण हालसम्म २० प्रतिशत मात्र धान रोपाइँ हुन सकेको कृषि विकास निर्देशनालयले जनाएको छ। यो तथ्यांकले यस वर्ष मधेसको कृषि उत्पादनमा ठूलो असर पर्ने संकेत गरेको छ।
सामान्यतया, असारको दोस्रो सातासम्ममा रोपाइँले गति लिने गर्दछ। तर, यसपालि असारको मध्यसम्म आइपुग्दा पनि अधिकांश खेतहरू बाँझै छन्। पानीको अभावले गर्दा खेतमा धाँजा फाट्न थालेका छन् भने तयार भएका बीउहरू पनि खेतमै सुक्ने अवस्थामा पुगेका छन्।
शुभकामना
स्थानीय किसान रामदेव मण्डलले भने, “खेत जोतेर तयार पारियो, बीउ पनि तयार छ। तर, पानी नपर्दा सबै काम रोकिएको छ। अब त आकाशतिर हेर्दै भगवान् पुकार्ने बाहेक अरु केही छैन।”
धान मधेस प्रदेशको मुख्य बाली हो र यसको उत्पादनमा कमी आउँदा प्रदेशको अर्थतन्त्रमा समेत नकारात्मक असर पर्ने देखिन्छ। सरकारले सिँचाइको वैकल्पिक व्यवस्थामा ध्यान दिनुपर्ने र किसानहरूलाई तत्काल राहतका कार्यक्रम ल्याउनुपर्ने माग किसानहरूको छ।
२०८२ असार २६, बिहीबार ०९:४४
ताजा समाचार
- लहान–१८ भदैयामा दूध संकलन केन्द्र उद्घाटन र हस्तान्तरण, २० कृषकलाई दूध क्यान वितरण
- विरगन्जका मेयर सिंह पक्राउ
- महोत्तरीमा बलात्कार घटनामा १० वर्षीय बालक दोषी ठहर, अदालतले सुनायो यस्तो सजाय
- ओलीलाई सुब्बाले भने- ‘एमाले कसैको प्राली होइन’
- मापदण्डको धज्जी उडाउँदै ३३ करोडभन्दा बढी रकम मन्दिर, मस्जिदमा खर्चियो
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
