जनकपुरधाम, भदौ २ गते । जनकपुरधाममा फेरि एक संचारकर्मी आक्रमणमा परेका छन् । उपमहानगरपालिका–१२ कुवारामपुरस्थित गौशालामा समाचार संकलनका लागि पुगेका समाजिकफिड डटकम अनलाइनका क्यामेराम्यान कुन्दन मिश्रमाथि अज्ञात व्यक्तिले ढुंगा प्रहार गरेका हुन् ।
पत्रकार आशा अधिकारीसँगै मोटरसाइकलमा रिपोर्टिङका लागि पुगेका मिश्र गाई बाँधिएको स्थानतर्फ भिडियो खिच्दै गर्दा ढुंगा प्रहार भएको उनले बताएका छन् ।
शुभकामना
“ढुंगा टाउकोमा लाग्नेगरी जोडले प्रहार भयो । हेल्मेट नभएको भए ज्यानै जान्थ्यो । हेल्मेट फुटेको छ, चोट पनि लागेको छ,” मिश्रले भने । उनको स्मार्ट वाच समेत फुटेको छ ।
आक्रमणपछि घटनास्थलमा केही अपरिचित युवाहरू देखिएपछि उनी भाग्न सफल भएका थिए ।
यो घटना जनकपुरका वकिलहरूले पत्रकारमाथि गरेको आक्रमणको सातौँ दिनमै पुनः भएको हो ।
घटनाबारे सोध्दा नगर प्रहरीले गोलमटोल जवाफ दिएको सामाजिक फिड टोलीले जनाएको छ । प्रहरीका अनुसार घटनास्थलको सिसिटिभी क्यामेरा काम नगरेको बताइएको छ ।
समाचार संकलनमा अवरोध गर्दै आक्रमण गर्ने दोषीलाई तत्काल पक्राउ गरी कारबाही गर्न पीडित पत्रकारले माग गरेका छन् । पछिल्लो समयमा जनकपुरधामसहित मधेश प्रदेशमै संचारकर्मीमाथि आक्रमणको श्रृंखला बढ्दो क्रममा छ ।
२०८२ भाद्र २, सोमबार १६:५३
ताजा समाचार
- लहान–१८ भदैयामा दूध संकलन केन्द्र उद्घाटन र हस्तान्तरण, २० कृषकलाई दूध क्यान वितरण
- विरगन्जका मेयर सिंह पक्राउ
- महोत्तरीमा बलात्कार घटनामा १० वर्षीय बालक दोषी ठहर, अदालतले सुनायो यस्तो सजाय
- ओलीलाई सुब्बाले भने- ‘एमाले कसैको प्राली होइन’
- मापदण्डको धज्जी उडाउँदै ३३ करोडभन्दा बढी रकम मन्दिर, मस्जिदमा खर्चियो
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
