फोकस नेपाल ,कार्तिक १४ गते । काभ्रेपलाञ्चोकको पनौती नगरपालिका–२ मा निसान ट्रक दुर्घटना हुँदा दुई जनाको मृत्यु भएको छ भने एक जना गम्भीर घाइते भएका छन् ।
मङ्गलबार दिउँसो कुशादेवीबाट नयाँगाउँतर्फ पराल बोकेर जाँदै गरेको बा ४ ख ६७२३ नम्बरको निसान ट्रक ब्रेक फेल दुर्घटना भएको हो । ट्रक सडकबाट करिब छ सय मिटर तल खसेको जिल्ला प्रहरी कार्यालय काभ्रेपलान्चोकले जनाएको छ ।
शुभकामना
दुर्घटनामा ट्रक चालक स्थानीय रबिन आचार्य र जिल्लाको बेथानचोक गाउँपालिका– २ का शिवविक्रम केसीको मृत्यु भएको प्रहरीले जनाएको छ । दुर्घटनामा घाइते हुनुभएका आचार्य र केसीलाई उपचारका लागि बनेपास्थित शीर मेमोरियल अस्पताल लैजाने क्रममा बाटोमा नै मृत्यु भएको प्रहरीले जनाएको छ ।
दुर्घटनामा घाइते हुनुभएकी बेथानचोक-२ की शारदा तिमल्सिना टाउको, घाँटी र दुबै हात खुट्टामा गम्भीर चोट लागेको प्रहरीले जनाएको छ । उहाँको शीर मेमोरियल अस्पतालमा उपचार भइरहेको छ ।
२०८० कार्तिक १४, मंगलवार १२:२६
ताजा समाचार
- सर्लाहीमा कटुवा पेस्तोलसहित दुई भारतीय नागरिक पक्राउ
- मा. वि. कान्तिबजारको विद्यालय व्यवस्थापन समितिको अध्यक्षमा लक्ष्मण महतो चयन
- महोत्तरीमा ९० किलो गाँजा बरामद, मोटरसाइकल चालक फरार
- समाचार संकलन गर्न पुगेका पत्रकार गोविन्द यादवमाथि कुटपिट
- जनकपुरधाम उपमहानगर भित्रका निजी विद्यालय संचालकहरुको लगानी असुरक्षित बन्दै
निर्वाचन अवधिमा आमसञ्चार माध्यमले पालना गर्नुपर्ने आचरण के के हुन हेर्नुस
प्रतिक्रिया
सम्बन्धित खवर
